काठमाडौं । आज भाइटिका । वर्षा ऋतुको समाप्ती पछि पनि देशका विभिन्न टठाउँमा पहिरो, भूक्षय, बाढी जाने क्रम रोकिएको छैन । आज संखुवासभाको खाँदबारीमा चट्याङ्ग लागेर एकै परिवारका दुई जना सदस्य घाइते भएको खबर प्रकासमा आएको छ । साँझ करिब ६ः३० बजे घरमै बसिरहेका बेला परेको चट्याङ लागेर स्थानीय ५३ वर्षीय गणेशप्रसाद गुरुङ र मकालु गाउँपालिका–५ घर भई हाल खाँदबारी–४ स्थित मामाघरमा बस्दै आएका २२ वर्षीय सबिन गुरुङ घाइते भएका हुन्। जिल्ला प्रहरी कार्यालय सङ्खुवासभाका प्रहरी नायब उपरीक्षक कुमारप्रसाद मैनालीका अनुसार एक व्यक्तिको हातमा र निधारमा चोट लागेको छ भने अर्का सदस्य सविन गुरुङको हातमा चोट लागेपनि अवस्था गम्भिर नरहेको बताइएको छ । आज देशका उपत्यका सहित विभिन्न ठाउँमा मेघगर्जन सहित ठूलो पानी परेको थियो । काठमाडौंको उत्तरी भू–भागमा असिना पानीको महशुस गरिएको थियो । संखुवासभामा चट्टयाङ्गका क्रममा घाइतेहरुलाई जिल्ला अस्पताल संखुवासभा खाँदबारीमा ल्याइएको थियो । मौसम विज्ञान विभागका सन्देशहरु स्पष्ट रुपमा प्रभावित नभई आज देशका विभिन्न भू–भागमा धेरै वर्षा रहेको पाइयो ।
नेपालीहरुको महान् चाड दिपावलीको रौनक यस वर्ष बढेको छ । दीदी भाइ तथा दाजु बहिनी नहुनेको लागी सधैं जसो रानी पोखरीको बाल गोपालेश्वर मन्दिर खोलिन्छ । आज बिहान बालगोपालेश्वर परिषरमा वेस्मारी घुँइचो थियो तर अचानक काठमाडौं उपत्यकामा वर्षात भएपछि भने भीड नियन्त्रणमा आएको थियो । २०७२ साल वैशाख १२ गते गएको भूकम्पपछि रानी पोखरीको मन्दिर भग्नावशेषमा परिणत भई पूनः निर्माण गरिएको थियो । यसरी भाइटिकाको सप्तरङ्गी टिकाको लागी बालगोपालेश्वर मन्दिर वि.सं. २०३५ पछि खोलिँदै आएको प्रचलन छ ।