दाउन्नेमा शीतलहरका कारण यातायात ठप्प

 नवलपरासी । मौसममा आएको प्रतिकुलताको कारण सडक यात्रामा कठिनाइ आएको छ । शीतलहरको कारण दाउन्नेमा ३ दिनदेखी बिच बाटामा सवारी साधान अलपत्र परेका छन् ।

बुटवल नारायणगढ खण्डमा सडक निर्माण कार्य सूचारु भइ रहँदा वैकल्पिक मार्गमा यातायात गर्न कठिनाइ आएको बुझिएको छ ।

चिसो कारण सडक चिप्लो भएको र गाडीहरु बर्दघाटबाट भूमही सम्म लाम लागेको र पूर्वी खण्डमा दुम्किबास देखि चोरमारा सम्म सवारी साधन रोकिएको जनाइएको छ ।

यस क्षेत्रमा कल्भर्ट निर्माण भइरहेको र सवारी साधान आवतजावत गर्न दुर्घटना नहोस भनेर लेनको पालना गर्न अधिकारीहरुले चालकहरुलाई सुझाव गरेका छन् ।